ovdánbuktiba DJ Radio-JusSunná & Ellos Deatnu! 

''Geas lea vuoigatvuohta leahkit? Geas lea vuoigatvuohta leat hiđis, rašši, linis, hearki? 

ASAP ~ As Slowly As Possible lea fátmmasteaddji dj-set konseapta, man áigumuššan lea ráhkadit saji ihttážii, gos eanan ja buot eallevaččat eai vuhttojuvvo nohkatmeahttun resursan. DJ Radio-JusSunná čuojaha litna šuoŋaid, molsašuddi ritmain miehtá máilmmi. ASAP ~ As Slowly As Possible čatná oktii elektrovnnalaš musihka, sátneduoji ja dáiddainstallašuvnna ollisvuođa, mii viežžá inspirašuvnna 90-logus bajásšaddan siesá orrunlanja estetihkas. 

Radio-JusSunná and Ellos Deatnu! bovdeba buohkaid oktasaš vuoiŋŋastanboddui niegadit. 

ASAP lea gávdnan hámi Orodansadji-dáiddakonseaptas, man leat hábmen Merethe Kuhmunen, Jenni Laiti ja Sunna Nousuniemi. Ođđa dáiddakonseapta Orodansadji niegaduvvui duohtavuohtan Punos kollektiivva digitála resideanssas, oassin Whose Climate, Whose Futures? -prošeavtta.