Dán Jagi Davvi Álbmot: Gieldda- ja Skoaltasápmelaččat
Mii leat okta álbmot njealji riikkas: Norggas, Ruoŧas, Suomas ja Ruoššas. Riddu Riđđu festiválii lea dehálaš čalmmustahttit girjáivuođa ja oktavuođadovddu mii Sámis lea. Dán jagi leat válljen guovdilastit erenoamážit Gieldda- ja Skoaltasápmelaččaid Dán Jagi Davvi Álbmot-prográmma bokte. Deaivvadit ollu dáiddáriiguin ja kulturguddiiguin geat barget sámi kultuvrrain, dujiin, musihkain ja politihkain nuortasámi guovllus. Buohkat dehálaš jienat sámi eallima ja min aktasaš kulturárbbi gaskkusteamis.
Gielddasápmelaččaid historjjálaš guovlu lea guovdu Guoládatnjárgga, ja skoaltasápmelaččat orrot odne sihke Ruoššas, Suomas ja Norggas. Leu'dd/Luv´vvt lea gieldda- ja skoaltasámi juoigan ja muitalanárbevierru mii lea mannan buolvvas bulvii. Leu'dd/Luv´vvt lea dehálaš oassi das go Riddu Riđđus muitalit iežaset muitalusaid. Addet gehččiide vejolašvuođa oahpásmuvvat buorebut gieldda- ja skoaltasápmelaččaiguin ja historjjálaš fearániiguin main leu'dd/luv´vvt muitalit.
Støttet av:
