Juohke jagi bovdejuvvo okta davviálbmot Riddu Riđđui. Dán jagi davviálbmot boahtá Kanadas, namalassii Six Nations, Ieža sii gohčodit iežaset namain «Hai de no sau nee», sámegillii «Álbmot mii hukse Long House». Six Nationsii gullet otnábeaivve čearddat Mohawk, Cayuga, Onondaga, Oneida, Seneca ja Tuscarora, ja sii orrot reserváhtas Grand River -eanu lahkosiin. Dán jagi mii leat bovden artisttaid Six Nations Womens Singers, dánsenjoavkku Tribal Vision, govvadáiddára ja filbmadahkki Shelley Niro ja neavttára Cheri Maracle. Ovttas dát dáiddárat dolvot min Grand River eanu gáddái.
