Dutnje gii leat boahtimin Riddu Riđđui dán geasi!
Mii leat ain vuordimin fástádusa ráđđehusas justa mo koronasertifikáhta galgá doaibmat lágideddjiide, ja sii leat lohpidan fástidit bearjadaga. Mii sáhttit dasto buktit didjiide lagabui dieđuid boahtte vahkkus.
Maid mii diehtit:
- Jus don leat ollásit boahkohuvvon, leat ožžon vuosttas boahkku 3 vahkku dassái, jus dus leat antiávdnasat korona vuostá dahje negatiiva koronaiskkus mii lea eanemustá 24 dii boaris (PCR-iskkus dahje johtilisiskkus) de oaččut ruoná sertifikáhta.
- Mii háliidat ahte nu máŋgasat go vejolaš váldet iskosa ovdal go bohtet festiválii - lea dutnje álkit, it dárbbaš ráiddus čuožžut ja de dieđát ahte dus lea ruoná sertifikáhta jo ovdal go čohkkedat billii/bussii.
- Mii ordnet jođánisiskama sidjiide geain ii leat jo ruoná sertifikáhta.
- Jus don leat ollásit boahkuhuvvon, leat ožžon vuosttas boahkku 3 vahkku dassái dahje dus leat antiávdnasat de it dárbbaš testet iežat.
Mii buktit lasi dieđuid fargga.