Geassi@Davvi-Romsa

Ođas dán jagi lea ovttasbargu gaskal Riddu Riđu ja Summer@Nord-Troms. Bearjadaga suoidnemánu 12. beaivvi besset báikkálaš nuorat loaiddastit lávdái. Artisttaid lea Summer@Nord-Troms válljen, ja ovddastit variašuvnnaid davviromsalaš musikálalaš taleanttain. Summer@Nord-Troms mearkkaša Geassi@Davvi-Romsa, ja dat leage maid konseartta namman.

Olmmáivákkis loaiddasdeaba Jennae ja Olivia iežaska geasuheaddji luđiideaskkaguin. Omasvuonas boahtá Resirkulert, up and coming bánda mii gieskat vuittii Romssa fylkka UKM-finála. Dálošvákkis oassálastá Summer@Nord-Troms jeaŋga ieš Summer@lávlluin ja buriin šuraideaddji ilmmiin. Dasa lassin bohtet vel moadde ieža artistta plakáhtii. Dás šaddá duođaige super nice konsearta Riddu Siiddas!

Summer@Nord-Troms lea gárrenmirkkohis happening nuoraide JA boarraset kidsaide miehtá Davvi-Norgga. Festivála lea borgemánu 2.-3. beivviid. Festivála álggahuvvo mánáidčiekčamiin spábbačiekčanrittas ja minikonsearttain borgemánu 2. beaivvi. Váldolágideapmi lea borgemánu 3. beaivvi, vuos spábbačiekčamiiguin bie. 13.00, ja de konsearttain bie. 18.00. Gait dát dáhpáhuvvá čáppa Gáivuonas, dárkileappot Dálošvákki stádionis/Kulturguovddážis.