![](/sites/default/files/styles/hero/public/auk_5.jpg?itok=YJr7686b)
leatgo dán jagáš nuorra rámálmas dáiddár?
Riddu Riđđu ohcá čeahpes, nuorra dáiddáriid buot dáiddársurggiin. Dán Jagi nuorra dáiddárin dutnje lea sierra oassi festivála prográmmas ja don dieđihuvvot leat Riddu Riđđu festivála Dán Jági nuorra dáiddár manin dutnje vel lea 25 000 ruvdnosaš stipeanda man ulbmil lea buoridit du dáiddalaš ovdáneami. Dán Jagi nuorra dáiddárin don beasat čajehit iežat čehppodaga gehččide miehtá máilmmi, ja oaččut vel vejolašvuođa searvat iežá riikkalaš ja riikkaidgaskasaš lágidemiide/festiválaide maiguin Riddu Riđđu festiválas lea ovttasbargu miehtá jagi.
Ulbmilat:
Riddu Riđđu Festivála sávvá lágideaddjin nuorra sámi dáiddáriid beassat ovddidit sin čehppodaga ja beassat oidnosii riikka siste ja riikkaid gaskasaččat. Ovttasbarggus Kulturealáhusfoanddain SpareBank 1 Nord-Norge:in Riddu Riđđu Festivála dáhttu fállat bistevaš ovdáneami sámi kulturealáhusdoarjagiin nuorra dáiddáriide.
Ulbmiljoavku:
Rámádus/stipeanda mieđihuvvo sápmelaš nurrii gii lea válljen dáiddasuorggi iežas ovdáneapmin ja dáiddalaš joatkkaoahppun. Ohcci galgá deattuhit su dáiddalaš barggu sápmelaš čatnašumi.
Stipeanddas:
Kulturealáhusfoandda ja Riddu Riđđu Festivála rámádusa oažžu jagi nuorra dáiddár:
- Oažžu 25 000 ruvnnu stipeandda.
- Fidne saji Riddu Riđđu Festivála prográmmii.
- Beassá mielde márkanfievrrideapmái «Riddu Riđđu jagi nuorra dáiddárin» ovtta jahkái.
- Fidne vejolašvuođa oasálastit sierra lágidemiide/festiválaide, riikka siste ja riikkaid gaskkas.
- Beassá orrut ovtta baji Lásságámmis, dáiddáriid ásodagas Oamasvuona gielddas.
- Jagi mielde «jagi nuorra dáiddár» beassá dáiddalaš plánas oaivvilduvvon Festspillene i Nord-Norge.
Ohcannjuolggadusat:
- Ohcci galgá leat gaskal 18 - 25 jagi.
- Ohccis galgá leat oktavuohta Sápmái (Sámi guovlluide Norgga, Ruoŧa, Suoma ja Ruošša bealde)
- Rámádus sisttisdoallá iežat barggu ovdanbuktima Riddu Riđđu Festiválas.
- Ohcamušas galgá leat stipeandda geavahanplána
- Go juohkimis lea gollan jahki, stipendiáhtta galgá sáddet čálalaš čilgehusa stipeandda geavaheamis.
Válljenjoavku/jury gieđahallá ja dieđiha rámádusa ja stipeandda juohkimis Kulturealáhusfoandda ja Riddu Riđđu Festivála bealis.
Sáddes oanehis čilgehusa alddistat ja iežat dáiddalaš barggustat (1-2 siiddu). Bija bargguidasat čuovusin govaid, filmmaid, liŋkkaid jna.: riddu@riddu.no
OHCANÁIGEMEARRI: 01.03.2018