Máret Ánne Sara lea ráhkadan dán jagáš plakáhta
Sámi dáiddár Máret Ánne Sara lea ráhkadan dán jagáš Riddu Riđđu festiválaplakáhta. Plakáhta layout lea govvideaddji Kine Kjær dáhkan, guhte maiddái ráhkadii Riddu Riđđu festiválaplakáhta 2022is.
Máret Ánne Sara (r. 1983) lea dáiddár ja čálli. Son lea boazodoallobearrašis Guovdageainnus eret. Sara lea ráhkadan plákahtaid, CD/LP- olggožiid, lávdevisuálaid ja ávnnasteami ollu sámi dáiddáriid, hábmejeddjiid ja ásahusaid várás. Son lea maiddái Dáiddadállu Artist Collective vuođđudeaddji ja dáiddalaš jođiheaddji. Jagi 2021is lei Sara okta golmma sámi dáiddáris geat rievdadedje davviriikkalaš paviljonga sámi paviljongii Venezia biennalenis.
Riddu Riđđu festiválahoavda Sajje Solbakk lea čeavlái go beakkán sámi dáiddárat háliidit čalmmustahtit Riddu Riđđu festiválaplakáhta ráhkademiin:
- Máret Ánne Sara lea okta min bivnnuseamos sámi dáiddáriin justa dál. Ahte son mieđihii ráhkadit dán jagáš festiválaplakáhta šattai stuorra dáhpáhussan midjiide Riddu-kantuvrras, muitala son.
Máret Ánne Sara dáidda lea dávjá gieđahallá politihkalaš ja sosiálapolitihkalaš gažaldagaid mat gusket sámiide ja álgoálbmogiidda, ja das čalmmustahttá erenoamážit boazosámi servodaga. Dán jagáš Riddu-plakáhtas leat máŋga politihkalaš mihtilmasvuođa. Solbakk lohká iežas duhtavažžan:
- Sara ii goit bála ráhkadeamis dáidaga mii buolligoahtá digaštallama. Dán jagáš festiválaplakáhtta bidjá áššelistui ovtta dain stuorámus hástalusain mii Sámis dál lea, namalassii min árbevirolaš eatnamiid industrialiseren, dadjá son.
Plakáhta lea ráhkaduvvon váibmuin mii lea motiivva guovddážis, ja das leat máŋga šiella mat suddjejit váimmu.
Mii eat sáhte lohkat eará go ahte mii leat nana duhtavačča dán jagáš plakáhtain, lohká Solbakk.