Mii ohcat ođđa beaivválaš jođiheaddji
Mii ohcat beaivválaš jođiheaddji 100% virggis!
Riddu Riđđu Festivála lea riikkaidgaskasaš álgoálbmotfestivála, mii lágiduvvo jahkásaččat Gáivuona suohkanis, Davvi-Romssas. Jagi 1991 rájes lea Riddu Riđđu huksen nana diđolašvuođa sámi kultuvrras.
Festivála lea dađistaga sturron ja lea šaddan mávssolaš ja dehálaš oassin sámi kulturloktemis mearrasámi guovlluin.
Festivála lea dáiddalaččat njunnošis sámi ja álgoálbmot dáidda- ja kultuvrradovddaheamis.
Festivála fállá prográmma olles bearrašii ja lea fátmmasteaddji, innovatiivvalaš, diđolaš ja lunddolaš, báikkálaš čanastagain muhto globálas geahčastagain.
Miehtá jagi čađaha Riddu Riđđu Festivála unnit ja stuorit lágidemiid dáppe Norggas ja olgoriikkain lassin ieš festiválii geassit mii leage min váldobuvtta.
Gelbbolašvuođa gáibadusat:
Riddu Riđđu Festivála AS ohcá du gii háliidat leat mielde ovddideamen festivála viidáseappot. Dus lea alitdási oahppu, hárjáneapmi ekonomiijas ja jođiheamis, ja mielas maid festivála- dahje eará kulturbarggus. Dus leat buorit njálmmálaš ja čálalaš gulahallanattáldagat sihke dáro- ja eŋgelasgielas. Lea stuorra ovdun hálddašit maid sámegiela.
Don loavttát bargobirrasis mas gaskkohagaid lea alla leaktu, ja máŋggat molsašuddi doaimmat. Festivála doaimmahuvvo váldoosiin eaktodáhtolaš fámuiguin, ja danin lea máhttu movttiidahttit ja bajidit áŋgirvuođa ja beroštumi dehálaš iešvuođat go jođiha festivála. Lea ovdun dovdat Riddu Riđu. Persovnnalaš heivvolašvuohta deattuhuvvo.
Barggut:
Mii ohcat du guhte siđat lagaš ovttasbargguin hálddahusain, eaktodáhtolaččaiguin, bargiiguin ja stivrrain, viidásit ovddidit Riddu Riđđu Festivála.
Deattuhettiin ekonomalaš ceavzima ja buriid relašuvnnaid sihke ovttaskas ja almmolaš ovttasbargoguimmiideamet barggat don ovdánahttit Riddu Riđđu Festivála organisašuvdnan, festiválan ja riikkaidgaskasaš vásáhussan.
Du ovddasvástádussan lea maid háhkat dárbbašlaš rámmaeavttuid Festivála jođiheaddji bargui Riddu Riđđu Festivála prográmmain ja profiillain, ja oassálastit organisašuvnna viidásut profešonaliseremii ja láhčit diliid stivrra kontrolla- ja strategiijabargui.
Beaivválaš jođiheaddjis lea ollislaš hálddahuslaš ovddasvástádus Riddu Riđđu Festivála AS oppalaš doaimmas, maiddái rehketdoalus ja bušeahttabarggus ja velá šiehtadusain festivála máŋggain bálvalusaid fálliiguin.
Mii sihtat bálkáhit du geas lea áššáigullevaš jođihanvásáhus ja guhte máhtát bargat systemáhtalaččat garra bargodeattus ja molsašuddi bargguiguin ja dahkamušaiguin, ja geas leat geassin- ja čađahangálggat ja geas lea eakti hállu háhkat agibeaifestiválamuittuid fárrolága earáiguin.
Persovnnalaš iešvuođat:
- buorit gulahallanattáldagat
- buorre ipmárdus kulturbarggus
- ekonomiijaipmárdus
- jođihan attáldagat
- iešheanalaš
- struktuvrralaš
- áŋgir
- buorit ovttasbargoattáldagat
- máškit, njuovžil
-
dáidu bargat máŋggain bálddalaš doaimmain
Mii fállat:
- Guoibmás bargobirrasa, nana ja bures jođihuvvon festivála
- Molsašuddi doaimmaid / bargguid
- Buriid vejolašvuođaid persovnnalaš ja fágalaš ovdadeapmái
- Bálkká šiehtadallama mielde
- Kontorsaji Davviálbmogiid Guovddážis, Olmmáivákkis
Ohcanáigemearri: 23. b. guovvamánus 2025
Oktavuođaolmmoš: Beaivválaš jođiheaddji Frode Henriksen, tlf. 904 76 513 / frode@riddu.no, dahje stivrajođiheaddji Bente Ovedie Skogvang, tlf. 957 04 433
Sádde ohcamuša oktan CV:in ja refereanssaiguin čujuhussii riddu@riddu.no / Riddu Riđđu Festivála AS, Fossen, v/ Senter for Nordlige Folk, 9144 Samuelsberg.