Ođđa jahki - eanet artisttat gergosat Riddu Riđđui

Ovdal juovllaid almmuhii Riddu Riđđu festivála guokte duppal artistaluoitima boahtte jagi festiválaprográmmii. Dál lea čielgan ahte maiddái Katarina Barruk ja Gájanas bohtet Gáivutnii 2021:s čuojahit festiválas mii lea okta máilmmi stuorámus eamiálbmotfestiválain.

Katarina Barruk lea okta buot eanemus dovddus lávluin Sámis, guhte lea beaggán go ráhkada ođđahutkkálaš musihka mas seaguha juoigama ja ubmisámi teavsttaid. Maŋimuš jagiid lea Barruk čuojahan eanet go 100 konseartta moanat eurohpálaš riikkain ja dainna lihkostuvvan bures. Son lea illudahttán Riddu-gussiid máŋgga háve ja maŋemus lei geassemánus, go čuojahii festivála Stream Sápmi-sáddagis. Barruka nubbi álbuma lea boađe boađi ja fánsat sáhttet illudit návddašit sihke boares ja ođđa jiellahiid boahtte jagi Riddu Riđđus.

Bálkkašuvvon joavkku Gájanasa musihkka vuosiha man kula sáhttá leat go árbevirolaš ja ođđaáigásaš sámi musihkka ovttastuvvojit. Gájanasas oaivvildit ieža ahte joavku ráhkada progressiiva musihka man oaivádusgáldun leat sámi álbmoga nanu luonddučanastagat. Gájanasa čuojaheaddjit ovddastit sámevuođa govdadit - ja sin duogážat leat Ohcejogas, Anáris, Ålánddas ja Amerihkás. Riddu Riđđu-konseartta lassin lea joavku áigeguovdil dán jagi iežaset vuosttas skearruin. Lávlu ja juoigi Hildá Länsman lea jo oahppis joavkkuiguin Solju ja Vildá.

Riddu Riđđu festiválajođiheaddji, Sandra Márjá West, lea mearehis duhtavaš dán mánu goalmmát duppalluoitimiin:

-Sámis leat nu ollu gelddolaš artisttat máŋggain šáŋŋeriin. Lea hui ollu buorre musihkka man gaskal válljet, ja ii leat leamaš váttis ráhkadit prográmma Riddu Riđđu ávvujahkái. Mun illudan fas vuolgit konsearttaide sámi artisttaiguin, ja lea erenomáš buorre ahte sihke Gájanas ja Katarina Barruk leat geavahan áiggi čállit ođđa musihka.

ISÁK, ATribe Called Red og Amoc + Ailu Valle leat jo almmuhuvvon Riddu Riđđui 2021

FUOM! Ovdagihtii oastán bileahtaid ovddas oažžu ruđa máhcahuvvot jus festivála ii lágiduvvo.