Riddu Riđđu almmuaha festiválaprográmma Ártnas geassemánu 5. b.
Riddu Riđđu bovde dán jagáš festiválaprográmma almmuheapmái Ártnas, UiT sámi kulturviesus, geassemánu 5. b. dii 11-12. Deaivva eamiálbmotartisttaid ja eamiálbmotgussiid geat leat guhkkin ja lahka eret, ja oaččo ollu vásáhusaid ja inspirašuvnna!
Mii ovdanbuktit olles festiválaprográmma oanehaččat, ja dan maŋŋel lea 5 minuhta guhkkosaš konsearta mas beassat gullat ovtta musihkkabihtá maid leat diŋgon dán jagáš festiválii. Prográmmaalmmuhandoaluin guossohit maiddái dán jagáš festiválamenya herskkuid, maid Kokkens Mesterlaug Troms lea ráhkadan.
Doalut álget juste diibmu 11.00 ja bistet diibmu 12.00 rádjai
Festiválajođiheaddjit ja muhtun artisttat mat dán jagi galget čuojahit, leat báikkis ja singuin sáhttá humadit.
Goas: 05.06.15 dii. 11:00 - 12:00
Gos: Árdna, UiT Norgga árktalaš universitehta, Romsa
Ulbmiljoavku: Buohkat
Bures boahtin!