Riddu Riđđu festiválas lea rabas virgi buvttadeaddjin!
Gaskaboddosašvirgi jahkái (100%) mas lea vejolaš fásta virgádeapmái festiválabuvttadeaddjin Riddu Riđđu festiválas
Háliidat go DON searvat oččodit Norgga stuorimus eamiálbmotfestivála vel buorebun? Riddu Riđđu festiválas lea rabas virgi buvttadeaddjin. Ohcanáigemearri geassemánu 18. beaivvi.
Riddu Riđđu Festivála buvttadeaddji áigu joatkit eará bargui, ja mii ohcat danne muhtuma su sadjái. Mii ohcat olbmo gii sáhttá geabbilit bargat ja álgit nu jođánit go vejolaččat.
Virgi lea vuos gaskaboddosašvirgi jahkái, muhto mii sáhttit fállat fásta virggi rievttes ohccái.
Buvttadeaddji lea buvttadanjođiheaddji visot Riddu Riđđu Festivála AS lágidemiin, sihke riikkaidgaskasaš eamiálbmotfestiválas suoidnemánus, ja eará prošeavttain birra jagi, Sámis, Norggas ja muđui máilmmis. Dat addá ollu vejolašvuođaid beassat oaidnit gelddolaš sajiid ja deaivat ođđa olbmuid, ja mátkkošteapmi lea stuora oassin barggus.
Riddu Riđđu Festivála lea riikkaidgaskasaš eamiálbmotfestivála, mii jahkásaččat lea Gáivuona suohkanis Davvi-Romssas. 32 jagi lea Riddu Riđđu bargan nanusmahttit sámevuođa diđolašvuođa ja rámisvuođa. Dađistaga lea festivála sturron ja šaddan mearkkašahtti ja dehálaš oassin sámekultuvrra čuožžilahttimis mearrasámi guovlluin. Festiválas lea dál stáhtus njunuš riikkaidgaskasaš eamiálbmotfestiválan. Festivála vuođđun leat guovddášárvvut nugo siskkildeaddji, ođasmahtti, diđolaš ja lunddolaš, seammás go lea nanu báikkálaš čanastat ja globála jurddaguovlu. Festivála lea olgun, ja das leat prográmmafálaldagat buot ahkejoavkkuide.
Mii fállat mávssolaš, gelddolaš, ja máŋggabealat barggu mas leat buorit doaibmanvejolašvuođat ja ollu iešheanalašvuohta. Šattat oassin smáđáhkes ja áŋgiris bargobirrasis geain lea buorre gulahallanvuoigŋa.
Bargobáiki: Davvi álbmogiid guovddáš/Senter for Nordlige Folk, Gáivuona suohkan/Kåfjord kommune, Davvi-Romsa.
Mii ohcat du gii/geas
- leat ealljár ja mearrediđolaš, ja leat buorit bargonávccat
- leat struktuvrralaš ja kvalitehtadiđolaš
- leat roahkkat ja oktavuođaid ráhkadeaddji
- leat positiiva ja oadjebas jođiheaddji ja bargoustit
- leat eavttut, ja dáhttu leat mielde ovddideame festivála
- hálddašat bures, dárogiela ja eŋgelasgiela, čálalaččat ja njálmmálaččat
Lea ovdamunni jus
- lea sámegielgelbbolašvuohta
- lea sámi dáidda- ja kulturfágalaš gelbbolašvuohta ja máhttu eamiálbmotkultuvrras máilmmiviidosaččat
- lea gullevašvuohta ja fierpmádat Sámis
- gulahalat ovtta dahje eanet sámegielain
- leat vásáhusat eaktodáhtolašbarggus dahje eaktodáhtolašbargguid jođiheamis
Váldo bargoovddasvástádus šaddá:
- programmeret festivála ovttas festiválajođiheddjiin/beaivválaš jođiheddjiin ja musihkka- ja lávdedáiddalávdegottiin
- diŋgot/ráhkadit šiehtadusaid oassálastiiguin, ja koordineret logistihka ja praktihkalaš dárbbuid
- plánet ja čađahit lágideami teknihkalaš beliid
- ráhkadit ja bidjat doibmii buvttadanplánaid
- rekrutteret ja jođihit čađahanbargiid
- doallat oktavuođa ja koordineret festivála arenaid ja festivála eará joavkkuid ektui
- čállit ohcamušaid ja raporteret
- doaibmat Riddu Riđđu festivála ovddasteaddjin nationálalaččat ja riikkaidgaskasaččat.
Duođaštuvvon bohtosat stuorit lágidemiin ja prošeaktajođihemiin lea gáibádus. Jus dus leat áibbas eará vásáhusat lassin, de lea dat liigebuorrin!
Fertet rehkenastit mátkkošteami, ja eahket- ja vahkkoloahppabarggu oassin. Virgi raportere festiválajođiheaddjái/beaivválaš jođiheaddjái. Álgin nu johtilit go vejolaš.
Mii fállat:
- Fágalaš hástalusaid ja ovdánanvejolašvuođaid kreatiiva ja guoibmás bargobirrasis
- Bálkká šiehtadallamiid mielde
- Sisaboahto-penšuvdnaortnega
Ekonomalaš ovddut Finnmárkku ja Davvi-Romssa doaibmaguovllus, earret eará oahppoloana oanideapmi. Loga eambbo dáppe: www.finnmarkognordtroms.no
Sáddes oanehis ohcamuša ja CV deike: riddu@riddu.no ovdal geassemánu 18. b.
Eanet dieđuid oaččut Riddu Riđđu festivála AS festiválajođiheaddjis: Sajje Solbakk sajje@riddu.no, 469 50 573, dahje Riddu Riđđu festivála AS beaivválaš jođiheaddjis: Frode Henriksen, frode@riddu.no , tlf. 904 76 513
Ruovttusiidu: www.riddu.no