Šaddá ođđa gulahallan-/festiválakoordináhtorin Riddu Riđđui
Eurohpá stuorámus álgoálbmotfestivála lea virgádan Maria Løkvoll (29), ođđa gulahallan-/festiválakoordináhtorin ja álgin lea miessemánu 1. beaivvi. Olmmáivággilaš boahtá kulturjođiheaddji barggus Davvesiidda gielddas ja sus lea guhkes hárjáneapmi ruovttubáikki dovddus festiválas, earret eará lea son leamaš stivralahttun maŋimuš njeallje jagi.
Løkvollas lea mastergráda jođiheamis, innovašuvnnas ja márkanis, mas son čálii masterbarggu Festivalledelse - frihet under ansvar og fokus på nettverksarbeid (Festiválajođiheapmi – friddjavuohta ovddasvástádusa vuolis ja fokus fierpmádatbargui). Sus šaddá ovddasvástádus festivála márkanfievrridan- ja gulahallanbargguin, ja galgá ovttas beaivválaš jođiheddjiin doaimmahit Davviálbmogiid guovddáža kantuvrra.
Illuda álgit
"Mun illudan sakka álgit dán bargui. Lean bajásšaddan Riddu Riđus ja mus lea Riddu nannosit váimmustan mii lea buorre dán barggus. Šaddá miellagiddevaš oahppat ođđa áššiid ja ovdánit earáiguin ovttas." dadjá Løkvoll.
Festiválahoavda dieđiha geasuheaddji virggi
"Lei somá go máŋga dohkálaš kandidáhta háliidedje šaddat min ođđa gulahallan-/festiválakoordináhtorin! Ohcciid gaskkas leimmet ovtta oaivilis ahte Márjá sierranii hui positiivvalaččat, ja mii leat hirbmat ilus go son lea miehtan dán bargui. Sus lea guhkes bargoáigi festiválas stivralahttun, prošeaktajođiheaddjin, ja bargoveagas, ja sus lea maiddái fágaduogáš mii lea hui relevánta virgái. Mii illudit go son álgá!" dadjá festiválahoavda Sajje Solbakk.