Sofia Jannok ja Sondre Justad boahtiba Riddu Riđđui
Riddu Riđđu festivála deavdá 25 jagi dán gease. Festivála lohpida ahte ávvudeaddji oažžu albmá feastta ja álggahit artistalisttu sápmelaš muohtaledjoniin ja davvi norgalaš šarbmorain!
Sofia Jannok lea badjánan oktan Sámi stuorámus artistan. Son lea ealáskahttán árbevirolaš musihkkavuogi mas vuođđun lea luohti (juoiggus) ja ođđaáigásaš jietnagovva. Son lea seaguhan luohtái elektronihka, jazz ja álbmotmusihka ja dáiguin govvida čábbámus árktalaš jietnamáilmmi. Dán giđa son almmuha ođđa skearru, mii ságaid mielde buktá hearkivuođa, roavisvuođa ja buolli aktivismma dahjege servvolašvuođa beroštumi. Lávlla «Snölejoninna» (njiŋŋálas muohtaledjon), mii almmuhuvvui Sámi álbmotbeaivve 2015, lea ožžon buori jođu davvi guovlluin.
Sofia Jannok – Snölejoninna(2015): https://www.youtube.com/watch?v=UGc7c8U2aps
Jannok dadjá festivála lávlumis ná: ” Mun ráhkistan Riddu Riđđu-festivála! Dát lea munnje ja bándii alimussan boahtte gease. Ja juos mun in de beasage geassemearkumii, dat gal čájeha man bajás mun árvvustan festivála”.
Sondre Justad šattai dovddusin norgga musihkkasuorgái, go son geasset 2013 almmuhii lávlaga «Nu har du mæ». Dan rájes Lofuohtaid popdáiddár lea leandán ovtta dáhpáhusas nubbái. Lohppii vuvdojuvvon konsearttat ja rádio čuojahan su lávlagiid diibmoviissáid maiddái čájehit, ahte Justad lea dakkár popdáiddár mii gullo ain boahtte áiggis. Popkomehta lea dovddus su rabas muitalanvuogis maid son lávlu davvidárogillii. Son lea gieskat almmuhan albuma «Riv i hjertet» ja dat lea ožžon buriid árvvoštallamiid.
Sondre Justad – Det e over (2015): https://www.youtube.com/watch?v=nfu-klq5jEg
Sondre Justad illuda čuojahit Riddu Riđđu-festiválas, ja son muitala rahpasit su beroštumis sámekultuvrii: «Jáhkkemeahttun suohtas beassat dieppe čuojahit! Sámekultuvra lea álohii geasuhan mu, ja jagi 2008 válden oktavuođa earret earáid Frode Fjellheimii go háliidin oahppat juoigat. Ean goitge goassege fidnen áiggi heivet guktuide, muhto iigoson muhtun beaivve vel!
Festiválahoavda Karoline Trollvik dadjá ahte Sondre Justad buktá movttegis popmusihka mii bulljarastá energiija. “Nuhan dat lea veháš nu mo Riddu Riđđu dovdá jur dál; virkos 25- jahkásaš dievva duostilis jálluvuođa!”
Goappat artista lea vuosihan maid politihkalaš beroštumi ja dat gal heive hui bures festivála ámadadjui. Jannok lea dovddus iežas beroštumis álgoálbmogiid vuoigatvuođaide ja go lea vuostálastán ruvkedoaimmaid Sámis, Davvi Ruoŧas. Justad lea máŋgga oktavuođas cealkán oljobohkamiid vuostá Davvi Norgga rittuin. Son dadjá; “Dat han lea hui balddihahtti tulljet mainna nu, mas lea nu stuorrá riska.” Festiválahoavda Karoline Trollvik dadjá; “Mii leat hui giitevaččat go dát nuorra dáiddárat iežaset jiena bokte buktet oidnosii dáid dehálaš áššiid, maid mii diehtit duođalaš áittan álgoálbmogiid árbevirolaš eallimii”.
Bileahtaid vuovdin lea álggahuvvon ja juovlakampánja bistá 31.12.15 rádjái ja dál sáhtát sihkkarastit bileahta hui buori haddái. –Juovlakampánja ja jur dát guokte várrejumi lehkkoset dán jagi juovlaskeaŋkan Riddu-festivála gussiide, nanne Trollvik.
Riddu Riđđu lágiduvvo suoidnemánu 13. -17. beivviid 2016.