Tanya Tagaq go sáhttit fállat Riddu-movtta njukčamánus

Mii leat nu čeavlát ja movttegat go sáhttit fállat Riddu-movtta juo njukčamánus, go Tanya Tagaq viimmat máhccá Olmmáivággái! 

Tanya Tagaq lea lávlu, komponista ja dasa lassin hui bivnnuhis girječálli. Tagaq lea Ikaluktutiakas Nunavutas eret ja lea eallenagi leamašan duostil ja duohta biras-, eamiálbmot- ja olmmošvuoigatvuođaid áŋgirušši, gean mielas lea dehálaš fuomášuhttit post-koloniála hástalusaid.   

Musihkastis seaguha Tagaq čottalávluma savkkuhemiin, punkain, metalain ja elektronikain, ja ráhkada musihkalaš hámi mii ii muittut maidege eará. Musihkka lea suokkardeapmi dáiddalaš árbevieruin mat leat logi duháhiid jagiid boarrásat, seammás go das lea hyperođđaáigásaš hápmi.    

Tanya Tagaq lea maiddái Order of Canada-lahttu ja lea ožžon JUNO-bálkkašumi, Polaris Music Prize ja moanat geardde beassan gudnedoavttirin, ja lea okta Kanada eanemus sierralunddot ja dovddus artisttain.  

Olmmáivággái boahtá Tagaq perkušunisttain Jean Martiniin ja celločuojaheddjiin Jeffrey Zeigleriin.   

Boađe váldit bottoža guovdu vahkku ja návddašit áidnalunddot dáiddalaš vásáhusa! Mii illudit.

Haddi: 250 ru. Oastte bileahtaid dás!