![Agnete](/sites/default/files/styles/hero/public/2021-06/Nettsak%20header%20program21.png?itok=slO3RHLU)
Agnete
Konsearttat
Agnete Saba lea gal nuorra, muhto lea liikka geargan bargat badjel logi jagi musihkain, ja vel eanet olbmot leat fuomášan su maŋŋá go oassálasttii TV2-prográmmas Hver gang vi møtes. Skábmamánus 2020:s almmuhii Agnete iežas ođđa musihkkaprošeavtta masa ruovttuguovllu fámolaš luondu, Reahpenis Finnmárkkus, leamašan inspirašuvdnan. Sus lea golmma olbmo-banda ja sierra válljejuvvon kreatiivvalaš teama. Iežas vuoimmalaš jienain, čáppa šuoŋaiguin ja sevdnjes teavsttaiguin oktan čoasus popain, ráhkada Agnete musihkalaš sajádaga gos čájeha gealehis ja rehálaš beali alccesis.