Árktalaš ráđđi ásahuvvui 1996:s bajitdássi riikkaidgaskasaš forumin ovddidit ovttasbarggu gávcci árktalaš stáhta ja árktalaš álgoálbmogiid gaskka. Maŋimuš 30 jagi lea Árktalaš ráđđi ovdánan guovddáš lávdin gos gieđahallá sosiála ja birasáššiid gažaldagaid, mas árktalaš álbmogiid buresbirgejupmi ja čálgu lea guovddážis.  

Bissovaš oasseváldin, buohtalaga stáhtaiguin, leat álgoálbmogiid jienat ja máhttu váikkuhan Árktalaš ráđi mearrádusaide álgoálggus. Dát panelaságastallan čalmmustahttá movt álgoálbmogiid árbevirolaš máhttu ja rájáid rasttildeaddji ovttasbargu leat nannen árktalaš stivrema, buktán bealiset dieđalaš árvvoštallamiidda ja čatnan oktii báikkálaš servodagaid golbmalogi jagi čađa. 

Árktalaš Ráđi guovddáš aktevrrat galget smiehtadit ovddeš olahusaid ja boahtteáiggi vuoruhemiid, ja digaštallat áigeguovdilis áššiid ja álgoálbmogiid rolla áiggis gos leat mearkkašahtti geopolitihkalaš hástalusat. 

• Manne lea Árktalaš ráđđi dehálaš árktalaš álgoálbmogiidda, ja manin lea sin oassálastin mearrideaddjin Ráđđái?  
• Mat leat stuorámus bohtosat dán erenoamáš ovttasbargostruktuvrras?  

• Maid ferte Árktalaš ráđđi dahkat vai bissu áigeguovdilin boahtteáiggis?  

   

Láidesteaddji

Anja Kristine Salo, gulahallanjođiheaddji Arktalaš ráđi čállingottis. 

Oasseváldit

Daniel Lyberth Haupmann –Dánmárkku  gonagasriikka ovddasteaddji Artkalaš ráđi ovdagottis, delegašuvdnajođiheaddji bargojoavkkus mii bargá ceavzilis ovdánemiin.  

Per-Henning Mathisen,  Sámeráđi ovddasteaddji eastadeami, gearggusvuođa ja heahtediliid dustema bargojoavkkus. Son lea maid miellahttu nuoraidlávdegottis mii lea Dánmárkku gonagasriikka ovdagotti vuolis.  

Gosia Smieszek-Rice, Veahkkečálli  "Arctic Monitoring and Assessment Programme:s", bargojoavku mii Arktalaš ráđis bargá dálkkádat ja biras gažaldagaiguin.