Oanehis 3 beaivvi álgokursa ráhkadit lamináhtta niibederiid. Kursa bistá golbma beaivvi. Mihttun lea dáhkut lamináhtta niibedeari maid galgá buoššudit ja devkkodahttit. Dát bargu dahkko boares árbevirolaš vugiin almma mašiinnaid geavaheami haga.  Mii ságastit maiddái sámi niibevieruid birra ja čájehit ovdamearkkaid hábmemis ja čiŋaheamis. Kurssas geavahit ávdnasiid maid leat háhkan erenoamážit niiberáhkadeapmái, muhto mii áigut maiddái čájehit movt sáhttá ruovddi ja stáli ođđasit geavahit nu ahte lea anihahtti niibái dahje eará ávjoreaidduide.

Kurssas lea eanaš praktihkalaš bargu stáđđis, muhto maiddái veahá teorehtalaš oahpahus dahje geahčadeapmi.

Ávžžuhit coggat boares biktasiid/bargobiktasiid áinnas luondduávdnasiin dego bumbolis dahje ullus. Galggašii geavahit eaŋkilis suodjalanbrillaid ja sáhttá leat buorre atnit bealljesujiid.

Kursalágideaddjit leaba Vartorávdi Jan-Tore Ovesen ja Hans-Erik Olsen Davvi-Romssa Museas. 

Giella: Dárogiella dahje eŋgelasgiella, sorjavaš oasseváldiin.

Ovdagihtiidieđiheapmi – kursa 3 beaivvi

Duorastaga suoidnemánu 13. b. dii. 11.00 – 16.00

Bearjadaga suoidnemánu 14. b. dii. 11.00 – 16.00

Lávvordaga suoidnemánu 15. b. dii. 11.00 – 16.00