Lávre almmuha ođđa EP-skearru!

Lávre lea sámi artista, juoigi ja lávllačálli Guovdageainnus eret, Norgga bealde Sámis. Su musihka ruohttasat leat čiekŋalasas sámi juoiganárbevieruin ja son lea jagiid mielde johtán lávdedáidagiin sihke Sámis ja riikkaidgaskasaččat. Dál son máhccá Riddu Riđđui, dán háve ođđa hámis. 

Dán jagi almmuha son Šaddogárdi, dat lea čoakkáldat dipmá šuoŋain mas lea gáržžiduvvon ja lagas jietnagovva. Son ovttastahttá árbevirolaš juoiganmelodiijaid sámi indiefolk lávlagiin ja dan maid ieš gohčoda "hagepop". Boađus lea seaguhus ráhkesvuođalávlagiin ja luđiin mas lea sáhka doaivumis, massimis ja iežas osiid gávdnamis.  

Riddu Riđus lávke Lávre lávdái ovttas pianisttain ja buvttadeaddjiin Eirik Fjelde ja gitárračuojaheaddjiin Kristian S. Olstad. Ovttas sii leat hábmen persovnnalaš ja lossa konseartavásáhusa, gos musihkka beassá vuoigŋat.