![HF](/sites/default/files/styles/hero/public/2024-06/fra_handverk_til_fashion.png?itok=SjQqasqL)
Lávvosáhka: Duojis designii – gokko lea rádji?
Máilmmi eamiálbmogat leat ollu sohkabuolvvaid čađa geavahan gárvvuid vuohkin čájehit iežaset identitehta, muitalit muitalusaid ja bisuhit árbevieruid. Dat lea eambbo go dušše biktasat - dat guddet historjjá, kultuvrra ja dain lea dávjá persovnnalaš hápmi. Ođđa áiggis leat ollu eamiálbmogat maiddái heivehišgoahtán árbevirolaš elemeanttaid ođđaáigásaš bivttasvugiide, ja nu leat huksen šaldi ovdalaš- ja dálááigge gaskka. Ollu eamiálbmotservodagain bohciidit dávjá stuorra digaštallamat, go muhtumat vigget hástalit sajáiduvvan árbevirolaš duodjevieruid.
Dán ságastallamis hásttuhuvvo oahppat čiekŋalet áddejumi das, mo gárvodeapmi ii dušše ovddit kultuvrralaš árbbi, muhto maiddái doaibmá identitehta ja vuostegeahččama fámolaš mearkan dálá servodagas. Gokko lea rievtti mielde rádji das mii lea lobálaš ja mii ii leat lobálaš?
Álggaheapmi Anna-Stina Svakkoin ja Ida Helene Benoniseniin Queer gávtti ráhkadeami birra.
Giella: Eŋgelasgiella.
Mii lea Lávvosáhka?
Diibmá almmuhii Riddu Riđđu ođđa konseapta, mii lea oassin semináraprográmmas: Ságastallanráidu mii gohčoduvvo Lávvosáhka. Dát ságastallamat leat Bálldalávuin, ja ságastallamiid ulbmil lea guođđit oarjemáilmmi ságastallanmálliid ja máhccat eahpeformála ságastallamii.