![](/sites/default/files/styles/hero/public/rsz_anna-katri_helander_foto_deella_justpics_photography_.jpg?itok=HF36lEyl)
Bearaščájálmas: Ánna-Katri Helander
Mánát ja nuorat
Čájálmasat
Dán jagi 21-jahkásaš nuorra dánssodeaddji Ánna-Katri Helander lea nammaduvvon Riddu Riđđu festivála nuorra dáiddárin. Son riegádii Guovdageidnui ja lea doppe šaddan bajás, muhto lea gieskadaš áiggi orron Oslo-gávpogis, vai sus leat buoret vejolašvuođat ovdánit dánsumis. Son lea dánson dan rájis go 13-jahkásažžan álggii orientála dánsumiiguin. Helander mielastuvai dánsumii vásihettiinis vugiid mo eará nuorra álgoálbmotlaš artisttat seaguhit iežaset kultuvrra osiid dáláš dáiddalaš ovdanbuktimiidda.
Bearaščájálmasas áigu Ánna-Katri searaidis čájehit, ja dáidá buohkain boktit dánsunmiela!