![Eksempel på samtale](/sites/default/files/styles/hero/public/2024-07/nettsak_header_6.png?itok=b5Z1Dg87)
Buoridit roahppanan eallima
Dáiddačájáhussii guhkkádussan mii bovdet ságastallamii masa fáddá lea “Alnayah", Qalaherriaq ja koloniála arkiivva osiid bijadeapmi oktii. Mii válljiimet namman bidjat ságastallamii “Buoridit roahppanan eallima”.
Dán ságastallamis váldojuvvojit koloniála arkiivvas ovdan guokte historjjá mat čájehuvvojit čájáhusas; nubbi govvida Qalaherriaq nammasaš nuorra inughuit meahcásteaddji, guhte jagi 1850 veagal dolvojuvvui eret ruovttustis mii lei oarjedavi Kalaallit Nunaat eatnamis; nubbi fas govvida "Alnayah", gii maid gulai inughuaq čerdii. Maid Qalaherriaq vásihii, dange Alnayah sullii vásihii, go oarjemáilmmi olbmát sorde su, geat ledje boahtán dutkat su árktalaš guovllu.
Maid mii diehtit Qalaherriaq ja Alnayah guoktá birra, ja sudno eallimii guoskevaš áššiid birra? Mat gálduid leat min atnui ja gos? Manne dán guovtti olbmo vásáhusat leat dehálaččat, ja mo dat ášši váikkuha go sudno birra muitaluvvo, ságastallojuvvo ja buktojuvvo ovdan?
Ságastallamis deaivvadeaba Axl Ingemann-Jeremiassen ja Ingeborg Høvik, geat máŋga jagi leaba čoaggán osiid ja čohkken árppuid dán guovtti olbmo historjai. Bolatta Silis-Høegh boahtá songe. Son lea visuála dáiddár geas leat ruohttasat sihke Kalaallit Nunaat eatnamis ja Látviijas. Čájáhussii son lea válmmastan guokte dáidaga (Akisuarpalaaq (su jiena gullet várit) ja Pitit – Dutnje gullevaš) vástádussan muitalusaide Alnayah ja Qalaherriaq birra.
Giella: Eaŋgalasgillii.