Bures boahtin geahččat min válljejuvvon Indigiqueer oanehisfilmmaid! 

Mii gudnejahttit bonju eamiálbmogiid Dán jagáš davvi álbmogin. Ná mii ávvudat bonju eamiálbmotdáidaga máŋggain prográmmaosiiguin, earret eará filmma bokte. Mis lea sierra oanehisfilbmaprográmma gutnejahttin dihte min LGBTQIA2S+ muitalan- ja filbmadahkkiid.  

Návddaš dáid fámolaš oanehisfilmmaid, maid čeahpes bonju eamiálbmot filbmadahkkit leat ráhkadan! 

Qulleq (Kalaallit Nunaat)  

Mun bovden du atnit golbma minuvtta dušše leahkit; leat dás go mun cahkkehan iežan qulleq. Qulleq lea árbevirolaš oljolámpá, mii dagai min máttuide vejolažžan doalahit dola viesus mii lei muohttagis huksejuvvon. Qulleq attii čuovgga, lieggasa ja saji mas sáhtii biepmu ráhkadit; málestit. Qulleq lei mearihis deaŧalaš inuihtaide. 

Filbmadahkki: Aka Hansen. 

Headdress (United States)  

Muhtun vahkkoloahppa musihkafestiválaš gaskkalduvvá go Tai deaivá ovtta vilgesolbmo geas lea oaivvistis eamiálbmoga seremoniijalaš gahpir. Son geassáda iežas jurdagiidda; šaddá dego birrabeavdde-ráđđádallan su iežas máŋggain identiteahtaiguin vai gávnnašii “rivttes sániid maid dadjat”. Go ságastallan jorrá dáistaleapmin de billistit dan áidna apparáhta mii sis lea gulahallat Tai`ain. Dál fertejit dat máŋggat Tai-veršuvnnat ovttastuvvat vai sáhtašedje geahččalit divvut dan billašuvvan apparáhta, ja ain gávdnat daid “rivttes sániid maid dadjat”.  

Filbmadahkki: Taietsarón:sere 'Tai' Leclaire.  

Janelle Niles: Inconvenient (Canada)   

Janelle Niles gullá eamiálbmotjovkui mi'kmaw ja lea Two-spirited nisu Sipekne'katik First Nation eret Nova Scotias ja stand-up-komihkkár. Vaikke sus lei garra bajásšaddan, de Janelle fátmmasta son iežas máŋggakultuvrralašvuođa ja bonju identitehta. Su stand-up:in ođasmahttá ja dagaha kanadalaš komediija eanet fátmmasteaddjin. 

Filbmadahkki: Cass Gardiner.   

ÁHKUIN (Sápmi)  

Sámi njálmmálaš muitalanárbevieruin, mas luohti lea guovddážis, lea ÁHKUIN visuálalaš ja musihkalaš call-and-response gaskal áhku ja su maŋisbohttiid. Arkiivajearahallamat ja Máret-áhku (rešissevrra áhku) luohti ahtanuššet dego čanasteaddji árpun áiggiid čađa, ja giktalit geahčči čađa uskkádaga dán oassái Sámis. Áiggi ritmmat; dat beaivválaš doaimmat mat sihkkaraste birgejumi daidda geat bohte ovdal; dábálaš beaivválaš barggut – guoddit čázi jogas, bidjat sávnni liegganit, vuoššat bohcco ađđamiid – buot dát addet skeaŋkan muittuid, musihka ja eamiálbmotmáhtu.  

Nugo eamiálbmotservodagain miehtá máilmmi de lea koloniseren čiekŋalit hábmen ođđasut áiggi sámi historjjá muitalusain massimiid birra. Estehtalaš inspirašuvnnaiguin, maid leat viežžan iešguđetlágan gálduin; nugo duojis (ja riikkaviidosaš máhttovuogádagain), David Lyncha dáiddadujiin, Pauliina Peodoroffa Matriarkaattis (Matriárkkas), dáiddáriid Niillas Holmberga, Jenny Laiti ja Outi Pieski servodatvuđot dáidagis, ovdanbuktá ÁHKUIN melankolalaš, muhto stoagadeaddji sámiid historjjá, mas lea ođđa áiggiid várás ollu oahppu man vuođđun lea addit ja váldit. 

Filbmadahkkit: Radio-JusSunná / Sunná Nousuniemi and Guhtur Niillas Rita Duomis / Tuomas Kumpulainen