Girjái lea mihtilmas radikála dekoloniála queer utopia: oktasaš organiserejuvvon performatiiva čoakkáldat lávus.

Girjái čiekŋuda máilbmái mas máttuid viisodat láidesta min ovddos guvlui, ja čatná oktavuođa dálááiggi ja boahtteáiggi gaskkas. Čájálmasas leat ovttas luohti, dánsa, muitalusat, musihkka, alter-egot ja niegut. Girjái bovde du niegadit - čájálmas lea erenoamážit oaivvilduvvon bonju sámiide ja bonju-BIPOC buot agiin, ovddeš áiggis, dálááiggis ja boahtteáiggis. Suoma-, eaŋgalas- ja sámegielat geavahuvvojit čájálmasas.

 Mii leat ain dáppe - ja mii leat ain bonju.

Biografiijat:

Máret Ásllat Ivvár Ovllá Nilla Ritni Ráste, Ritni Ráste Pieski lea deanosámi muitaleaddji, dánsejeaddji, ovdanbukti, koreográfa ja drag-artista. Dekoloniseren, kollektiivvalašvuohta, radikála niegadeapmi, utopiat, drag, illu, duhkoraddan, bonjuvuohta ja humor leat dehálaččat su dáiddalaš doaimmas. Pieski ođđaset barggut leat: Common moves prošeakta Sonya Lindforsain, dát lea bovdehus - čájáhus Alen Nsambuin mii lea Amos Rexas ja moaitá oarjemáilmmi museaetihka, dragas dovdet su namain Ritni Tears. Pieski válddii bachelor dánsundáidaga Theatre Academys, University of the Arts Helssegis 2023:s.

Pessi Jouste lea sápmelaš musihkar ja aktivista geas váldobáikin lea Helsset. Lea oidnosis miellahttun VIMMA-joavkkus, geat čalmmustahttet ekologalaš roasu. Dasa lassin lea maiddái eará musihkkajoavkkuin mielde nugo Ulla Pirttijärvi & Ulda, Suõmmkar, ja Vilho Louhivuori: Amalga. Berošta aktivismmas, dáidaga ja aktivismma gaskavuođas, ja lea viššalit leamaš mielde organiseremin vuostálastimiid, smávit lágidemiid ja oassálastán ExtinctionRebellion doaimmaide 2021 rájes.

Máret Ásllat Ivvár Ovllá Nilla Biret-Iŋgá, Biret-Iŋgá Pieski lea deanosápmelašdánsejeaddji, ovdanbukti ja bivttasvierroberošteaddji. Lea leamaš mielde iešguđetlágan dánsunbuvttademiin Sibelius joatkkaskuvllas, "Liikkeellä marraskuussa"-festiválas Ingri Fiksdal Dioramas, ja "Zodiak:s" Ásrún Magnúsdóttirs Listening Party:s.

Pieski mielas dáidagii gullá duddjot ovttastallan- ja juogadangaskavuođa dovddu. Son háliidit gaskkustit ilu ja searvevuođadovddu maid dánsun buktá, ja rahpat olbmuide lihkadanfriddjavuođa čohkkejeaddji, máŋggabealat vásáhussan. Deattuha persovnnalaš vásáhusaid ja dulkojumi dáidagis, "váldit mii duinna heive" prinsihpa mielde. Váldoulbmil lea cuvket dan jáhku ahte muhtin ii máhte dánsut ja mo dánsun galgá leat dahje čájehuvvot.

Aju Jurvanen lea čájáhushábmejeaddji, dáiddár ja čuovgahábmejeaddji geas lea váldobáikinHelsset. Deattuha kollektiivvalašvuođa, hearkivuođa ja leahkima dáiddalaš bargguinis. Lea beroštuvvan viiddidit čuovgahábmema vejolašvuođaid. Dasa lassin geasuha dál friddjavuohta, bonju illu, áhpeguovllut ja dáidaga ja diehtaga gaskavuohta. Jurvanen lohká dál čuovgadesignmastergrádaprográmma University of the Arts Teáhterallaskuvllas Helssegis.

Helmi Hagelin lea sámi molssafárddahábmejeaddji, bivttashábmejeaddji ja dáiddár gii visuála gaskaomiid bokte áŋgiruššá servodatdiskurssas. Bargguidis ja dáidagiiddis bokte lea ulbmilin hástalit ja buktit oidnosii dáláš struktuvrraid ja daid váikkuhusaid. Dál beroštaerenomážit intersektionálavuođas ja das mo unnitlogujoavkkut ipmirduvvojit servodagas. Guorahallá dáid fáttáid bonju sámi geahččanguovllus. Helmi Hagelin lea industriija- ja mearkahábmejeaddji geas fokus lea atnuhábmemis.

Kai Mikkel Balto lea dáiddár ja duojár Romssas eret ja su bearaš lea Kárášjogas eret. Go son lei geargan digitála dáiddabarggu bacheloroahpuin, de mearridii ahte lea áigi oahpahallagoahtit árbevirolaš duoji ja bargagoahtit luonddu ávdnasiiguin. Son liiko geahččaladdat iešguđetlágan materiálaiguin ja teknihkaiguin, ja ovttastahttit árbevieruid ođđaáigásašvuođain. Son lea maid nammaduvvon Riddu Riđđu jagi 2024 nuorra dáiddárin.