Searvva Áilo-Máhtte-Hánsa (Hans Ragnar Mathisen)  hang-out:ii. 

Soaitá šaddat spontána oahpisteapmi, ságastallan dáidaga ja kárttaid birra, dahje dušše gáfestallan buori searvvis. Dát lea hárvenaš vejolašvuohta oahpásmuvvat lagabui ovtta Sámi stuorámus dáiddáriin, almmá prográmma ja fasihta haga. 

Áilo-Máhtte-Hánssa birra: 

Áilo-Máhtte-Hánsa (Keviselie, Hans Ragnar Mathisen)  lea sámi multidáiddár guhte badjel 50 jagi lea ovddidan mihtilmas dáiddašlája mii lea vuođđuduvvon sámi duohtavuhtii. Son lea erenomáš beakkán iežas dáiddalaš kárttaiguin Sámis, main sámi báikenamat ja perspektiivvat loktejuvvojit ovdan sihke estehtalaš ja politihkalaš albmanahttimin. 

Mathisen bargá máŋgga láhkai mediaiguin, málemis ja grafihkas gitta fotografiijii ja girječatnamii, ja lea maiddái áŋgirit bargan sámi meavrresgári symbolihka suodjaleamis ja viidáset ovddideamis. 1970-logus lei son okta Máze-joavkku álggaheddjiin, mii vuolggahii sámi dálááiggedáidaga ođđa guvlui. 

Áilo-Máhtte-Hánsa lea oahpu váldán Statens håndverks- og kunstindustriskole ja Statens kunstakademi Oslos. Son lea ožžon máŋga bálkkašumi. Maŋimus lei 2024:s, dalle oaččui Norgga kulturráđi gudnebálkkašumi.