Dán jagi Romssa riikkaidgaskasaš filbmafestiválas lei historjjá vuosttaš sámi guhkesfilmma – Nils Gaupa OFELAŠ-filmma, áibbas ođđa veršuvnna vuosttaščájáhus. Jakob Janssønna bagadallama bokte lea dán filbmaklassihkkarii rievdan áibbas ođđa hápmi. Visot dialogaid ja musihka, mat ledje álgofilmmas, leat sihkkon. Ođđa musihkain muitalit muitalusa, ilmmá dialogaid haga. Maŋŋil vuosttaščájáhusa Romssa riikkaidgaskasaš filbmafestiválas, de lea Riddu Riđđu vuosttaš sadji Norggas gos dán filbmakonseartta vuosihit. Dat lea boađus dán guovtti festivála buori ovttasbarggus.

Ii leat dárbbašlaš várret bileahtaid ovdagihtii. Doama ollet báikái buori áiggis, vai oaččut saji!