Silla lea viimmát ruovttoluotta! Silla lea beakkán inuihtta čottalávlunduo Nunavutas, mas Charlotte Qamaniq, Igluikas ja Cynthia Pitsiulak, Kimmirutas leaba mielde. 2005 rájes leaba geasuhan guldaleddjiid hypnohtalaš, árbevirolaš katajjain (inuihtaid čottalávluma) ja ođđaáigásaš musihkain. 

Namma boahtá inukitutas ja sánis Sila:s, mii mearkkaša dálki, vuoigŋa ja intelleakta – reflekšuvdna daid čiekŋalis kultuvrralaš ruohttasiid ja dan vuostálastinnávcca mii lea inuihtaid lávlunárbevierus. Silla lea guktii leamašan evttohussan JUNO- bálkkašupmái ja lea vuoitán guokte Summer Solstice Indigenous Music Awards bálkkašumi. 

2025:s máhcaheigga duppalskearru konseapttain: Inua, mas leat árbevirolaš šuoŋat mat leat fievrreduvvon buolvvaid gaskka, ja Silas is Boss, duostilis ođđadulkon mii ovttastahttá elektronihkalaš musihka, hardrock, spoken word ja postindustriijalaš ovdanbuktinvugiid ja dahká daid ođđaáigásaš gaskkusteapmái dološ jietnaárbevieru várás. 

Mii eat goassige dolkka sudnos! Rahkkan vásáhussii masa it boađe vajálduhttit <3  

Filbma TAKKUUK, mii lea oassi Sillas, čájehuvvo dalán konseartta maŋŋá.