Eará máilmmi luođit ja muitalusat, lea konsearta mánáide ja bearrašiidda sámi artisttain ja juigiin Lávrriin. 

Lávre bovde mánáid dakkár máilbmái mii lea juste olggobealde dan maid mii sáhttit oaidnit, dakkár máilbmái gos oaidnemeahttumis oruhat, issoras stuora heavnnit ja ulddat ain ellet min gaskkas. Lea maiddái gullon ahte lea luohti maid dušše mánát sáhttet gullat. 

Lávre lea sajáiduvvan sámi muitalanárbevirrui ja lea ožžon inspirašuvnna ádjás máinnasteamis, konsearta čuoldá oktii juoigama ja fantasiija muitalusaiguin mat leat veaháš ilgadat ja imašlaččat.  

Čájáhus lea intiibma ja searvvaheaddji, ja luohti ja muitalusat dolvot gehččiid oaidnemeahttun duovdagiidda, sihke oahpes ja amas duovdagiidda, maid mánát ain oidnet.