Máid dat rievtti mielde mearkkaša leat “luossaálbmot” go eallinvuođđu jogain ja mearas lea jávkame? 

Go Sámediggi 2024:s almmuhii doahpaga " luossaálbmot ", de juohkásedje oainnut. Muhtimat hilgo dan ja navde leat goansta huksehussan, ja earát fas viimmat dovde iežaset oidnojuvvon. Ollugiidda šattai doaba váillahuvvon dohkkeheapmi sin johkasámi identitehtai, ja oanehis áiggi maŋŋel bođii sierra julggaštus luossabivdoálbmoga vuoigatvuođaid suddjema birra. 

Muhto oktanas garra digaštallamiid leat stuora hástalusat jogain ja mearas. Ruoššaluosa sisabahkken áitá báikkálaš náliid, seammás go duođalaš bivdoearro unnideapmi čuohcá garrasit mearrabivdui, erenoamžit mearrasámi guovlluin olggobealde Finnmárkku. Dasa lassin dagahit dálkkádatrievdamat ja olgguldas bahkkemat vahaga boahtteáigái. 

Sihke eiseválddit ja Sámediggi jerret dál movt sámi luossabivdo- ja mearrabivdokultuvra sáhttá seailluhuvvot. Muhto stuora, buolli gažaldat lea báhcán: Movt mii gádjut ealli kultuvrra go sin eallámuš, luossa ja dorski, orrot jávkamin? 

Dán jagaš UiT-semináras bovdet áigeguovdilis ja dehálaš ságastallamii. Dáppe beasat gullat politihkkáriid geat bidjet láidestusaid, dutkiid geat dovdet loguid, ja guolásteddjiid ja berošteddjiid geat beaivválaččat vásihit heahtedili.  

Panela almmuhuvvo fargga.