Dán semináras johkaeamiálbmogiid vuoigatvuođaid birra mii láhčit dili govda digaštallamii mo seailluhit johkavuođut eamiálbmotkultuvrraid ja mo suddjet sin vuoigatvuođaid. Mot sáhttet johkaeamiálbmogat áimmahuššat sin ruovttu jogaid, ja seammás nannet sihke luonddu- ja olmmošvuoigatvuođaid riikkaidgaskasaš ovttasbarggu bokte? 

Indigenous Salmon Peoples Gatheringas 2024:s ráhkaduvvui Kárášjoga-cealkámuš luossahálddašeamis deattuhan dihte luosa mearkkašumis vuođđun eamiálbmot luossaálbmogiid boahttevaš buresbirgemis ja eallinvuoimmis. Mat leat beaktileamos vuogit oažžut eiseválddiid guldalit ja doaibmat cealkámuša iešguđet čuoggáid ektui? Makkár doaibmabijuiguin olaha dohkkeheami luonddu- ja olmmošvuoigatvuođaide, sihke báikkálaččat ja riikkaidgaskasaš arenas? 

Seminára lágiduvvon ovttas UiT:n (prošeavttain Sharing Our Knowledge) ja International Indigenous Salmon Peoples Networkain. Seminára jođiha Áslat Holmberg. 

Oasseváldit leat leamaš guovddážis ovddideamis Kárášjoga-cealkámuša luossahálddašeamis IISPN - Karasjok Declaration, ja illudit digaštallat hástalusaid ja vejolaš čovdosiid boahtteáigái ovttas Riddu Riđu oassálastiiguin. 

Láidesteaddji:

Áslat Holmberg, Sámeráđđi

Oasseváldit: 

Jon-Christer Mudenia, Sámediggeráđđi

Miyuki Daorana, Arctic Council Indigenous Peoples' Secretariat

Shelley Denny, Unama'ki

Autumn Adams, Yakama Nation

Maggie Mills, International Indigenous Salmon Peoples' Network (IISPN)

Ida Hydle, UiT ja Birgejupmi-prošeakta